ឯកឧត្តម ហ៊ុន ម៉ានី ប្ដេជ្ញាបន្តអនុវត្តប្រព័ន្ធជ្រើសរើសមន្ត្រីចូលបម្រើការងារប្រកបដោយគុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព

 ឯកឧត្តម ហ៊ុន ម៉ានី ប្ដេជ្ញាបន្តអនុវត្តប្រព័ន្ធជ្រើសរើសមន្ត្រីចូលបម្រើការងារប្រកបដោយគុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព

រាជធានីភ្នំពេញ៖ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការរៀបចំ ការប្រឡងប្រជែង បានប្ដេជ្ញាបន្តអនុវត្តប្រព័ន្ធជ្រើសរើសមន្ត្រីចូលបម្រើការងារប្រកបដោយគុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព ដើម្បីធានាតម្លាភាពនៃដំណើរការនៃការរៀបចំការប្រឡប្រជែង និងការបង្កើនទំនុកចិត្តពី មហាជនមកលើប្រព័ន្ធជ្រើសរើសមន្ត្រីឱ្យចូលបម្រើការងារក្នុងរដ្ឋបាលសាធារណៈ ក្រោមទិសស្លោក “អ្នកចេះគឺជាប់ អ្នកធ្លាក់ដោយអស់ចិត្ត”។

ការគូសបញ្ជាក់បែបនេះធ្វើឡើង ពិធីជួប «សំណេះសំណាល និងថ្លែងអំណរគុណអ្នកសង្កេតការណ៍ស្ម័គ្រចិត្ត ដែលបានចូលរួមក្នុងដំណើរការប្រឡងប្រជែងជ្រើសរើសមន្ត្រី ដើម្បីបម្រើការងារតាមក្រសួង ស្ថាប័ន»​ នាព្រឹកថ្ងៃទី១៧ ខែមិថុនា ឆ្នាំ២០២៦នេះ នៅនៅសាលាភូមិន្ទរដ្ឋបាល៕