ខេត្តកណ្តាល៖ នាព្រឹកថ្ងៃពុធ ទី២៩ ខែកក្កដា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋ នៅស្រុកខ្សាច់កណ្តាល ខេត្តកណ្តាល។
នៅក្នុងឱកាសនោះ សម្តេចធិបតីនាយករដ្ឋមន្ត្រី បានថ្លែងអបអរសាទរ និងលើកឡើងនូវចំណុចសំខាន់ៗដូចខាងក្រោម៖
លទ្ធផលនៃការចុះបញ្ជីដីធ្លី៖ រាជរដ្ឋាភិបាលបានវាស់វែងក្បាលដីបន្ថែមបានចំនួន ៦,៣ លានក្បាលដី (នាំឱ្យការវាស់វែងសរុបកើនដល់ជិត ១៤ លានក្បាលដី) និងបានចេញប័ណ្ណសរុបជិត ១០ លានប័ណ្ណ ដោយបានចែកជូនប្រជាពលរដ្ឋជិត ៩ លានប័ណ្ណ (ស្មើនឹង ៨៦% នៃក្បាលដីដែលបានបិទផ្សាយ)។ រាជរដ្ឋាភិបាលគ្រោងនឹងបញ្ចប់ការងារនេះទាំងស្រុងនៅឆ្នាំ២០២៧។
ទិសដៅ និងទស្សនវិស័យ៖ កំណត់ទិសដៅជំរុញការចុះបញ្ជីដីធ្លីបង្កើនឱ្យបានចប់សព្វគ្រប់ក្នុងឆ្នាំ២០២៦ និងបញ្ចប់ការចែកប័ណ្ណក្នុងឆ្នាំ២០២៧ ព្រមទាំងដាក់ចេញអនុសាសន៍រៀបចំផ្លូវការប្រើប្រាស់ដីធ្លីរយៈពេលវែង។ ពិសេសសម្រាប់ខេត្តកណ្តាល សម្តេចធិបតី បានកំណត់ទស្សនវិស័យប្រែក្លាយខេត្តនេះឱ្យទៅជា «ខ្សែក្រវ៉ាត់គាំពារ សន្តិសុខ សុវត្ថិភាព ឧស្សាហកម្ម កសិកម្មស្បៀង និងសេវាកម្ម»។
ដំណោះស្រាយបន្ធូរបន្ថយ និងដោះស្រាយបញ្ហាកកស្ទះ (៨ ចំណុច)៖ រាជរដ្ឋាភិបាលបានដាក់ចេញនូវដំណោះស្រាយដើម្បីពន្លឿនការចែកប័ណ្ណ និងកាត់បន្ថយការកកស្ទះ រួមមាន៖
តម្លៃនៃកម្មសិទ្ធិស្របច្បាប់៖ សម្តេចធិបតី បានសង្កត់ធ្ងន់ថា កម្មសិទ្ធិស្របច្បាប់លើដីធ្លីជា «មូលដ្ឋាននៃជីវិត» ដែលមិនត្រឹមតែជាទ្រព្យសម្បត្តិប៉ុណ្ណោះទេ ប៉ុន្តែជាមូលដ្ឋាននៃជម្រក អាជីវកម្ម ការវិនិយោគ និងជាមរតកសម្រាប់កូនចៅជំនាន់ក្រោយ។
វិស័យការពារជាតិ៖ សម្តេចធិបតី បានកោតសរសើរ និងថ្លែងអំណរគុណយ៉ាងជ្រាលជ្រៅដល់កងកម្លាំងប្រដាប់អាវុធគ្រប់ប្រភេទ ដែលបានខិតខំបំពេញភារកិច្ចការពារបូរណភាពទឹកដី និងសន្តិសុខជូនប្រជាពលរដ្ឋ។
ការកែទម្រង់រដ្ឋបាលសាធារណៈ៖ បន្តពង្រឹងអភិបាលកិច្ចស្ថាប័ន និងការកែទម្រង់រដ្ឋបាលសាធារណៈ ដោយគ្មានការលុបបំបាត់ក្រសួង-ស្ថាប័នណាមួយឡើយ ប៉ុន្តែត្រូវធ្វើការពិនិត្យឡើងវិញនូវតួនាទីភារកិច្ច ដើម្បីកាត់បន្ថយនីតិវិធីស្មុគស្មាញ និងបង្កើនប្រសិទ្ធភាពក្នុងការផ្តល់សេវាជូនប្រជាពលរដ្ឋ។
👉 https://t.me/svrnewssociety
0 Comments