ក្រសួងទេសចរណ៍ អបអរសាទរកម្ពុជា ជាប់ចំណាត់ថ្នាក់ជាប្រទេសល្អបំផុតសម្រាប់ «អេកូទេសចរណ៍» នៅអាស៊ីអាគ្នេយ៍

ភ្នំពេញ៖ ក្រសួងទេសចរណ៍ និងឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានចូលរួមអបអរសាទរយ៉ាងក្លៀវក្លា ចំពោះព្រះរាជាណាចក្រកម្ពុជា ដែលត្រូវបានវាយតម្លៃ និងជាប់ចំណាត់ថ្នាក់ជាប្រទេសល្អបំផុតសម្រាប់ «អេកូទេសចរណ៍» (Ecotourism) នៅក្នុងតំបន់អាស៊ីអាគ្នេយ៍។

យោងតាមការចេញផ្សាយពីស្ថាប័នអន្តរជាតិ U.S. News & World Report និង SEA Infographics សមិទ្ធផលដ៏ត្រចះត្រចង់នេះ បានស្តែងឱ្យឃើញពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា និងក្រសួងទេសចរណ៍ ក្នុងការអភិវឌ្ឍវិស័យទេសចរណ៍បៃតង ព្រមទាំងការអភិរក្សធនធានធម្មជាតិ និងបរិស្ថានប្រកបដោយចីរភាព ដើម្បីទាក់ទាញទេសចរអន្តរជាតិមកទស្សនាកម្ពុជាក្នុងរដូវកាលបៃតង (Green Season)។

ព័ត៌មានបន្ថែមស្តីពីយុទ្ធនាការទេសចរណ៍៖

-ទំព័រផ្លូវការ៖ ក្រសួងទេសចរណ៍ Ministry of Tourism