ឯកឧត្តម អភិសន្តិបណ្ឌិត ស សុខា ដឹកនាំគណៈប្រតិភូរាជរដ្ឋាភិបាល ចូលរួមកិច្ចប្រជុំបំភ្លឺលើវិសោធនកម្មច្បាប់ស្ដីពីការគ្រប់គ្រងរដ្ឋបាលឃុំ សង្កាត់

ភ្នំពេញ៖ នាព្រឹកថ្ងៃទី៩ ខែកញ្ញា ឆ្នាំ២០២៦ នេះ នៅទីស្តីការក្រុមប្រឹក្សាធម្មនុញ្ញ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក្នុងនាមជាតំណាងរាជរដ្ឋាភិបាល បានដឹកនាំគណៈប្រតិភូ ចូលរួមកិច្ចប្រជុំជាមួយ ឯកឧត្តម ហ៊ី សោភា ប្រធានក្រុមប្រឹក្សាធម្មនុញ្ញ។

កិច្ចប្រជុំនេះ រៀបចំឡើងក្នុងគោលបំណងដើម្បីធ្វើការបំភ្លឺលើអត្ថបទ «ច្បាប់ស្តីពីវិសោធនកម្មច្បាប់ស្តីពីការគ្រប់គ្រងរដ្ឋបាលឃុំ សង្កាត់» ឱ្យមានភាពច្បាស់លាស់ ត្រឹមត្រូវ និងស្របតាមបញត្តិរដ្ឋធម្មនុញ្ញ មុននឹងដាក់ឱ្យអនុវត្តជាផ្លូវការ។